「大嘥鬼」与「悭BB」的环保故事

本鬼今日亲征「绿在区区」做回收，突然回收桶传出一阵阵高频率嘅「悭～悭～」声！本应拔腿就跑嘅我掩盖唔住澎湃嘅好奇心，决定上前一探究竟，见到嘅系……

不明飞行物？！佢仲眼定定望住啲回收物，好兴奋咁弹嚟弹去。我唔小心同佢有咗一秒眼神接触，只系一秒！佢就向我飞过嚟，仲跟住我赶极唔走！

唉，咪睇本鬼外表咁潇洒，其实暗藏一颗温柔的心，我都唔忍心掉低佢一个喺度，不如带佢返屋企先再从长计议。

呢只乜嘢，「悭～悭～」咁叫，叫佢乜名好呢？？就叫住……「悭BB」……先啦

有一晚，我喺屋企整理紧准备拎去回收嘅废纸，悭BB突然弹嚟弹去，渐变成蓝色，仲食我手上嘅纸张！我完全唔知发生咩事，但见悭BB食得咁猴擒又惊佢哽亲，于是飞奔去厨房斟水俾佢。

神奇嘅事就喺呢个时候发生，我从厨房出嚟，原先嘅废纸已经唔见咗，剩系得一叠再造纸！莫非悭BB有「转废为材」嘅念力？本鬼不禁陷入沉思……

为咗更加了解悭BB嘅取向，本鬼特登为悭BB安排一个抓周 party ，喺佢面前放咗六类物品，睇吓佢钟意咩先？

原来悭BB对住各种回收物会瞬间心心眼，仲会变身添！

经本鬼六六大顺测试预卜，咁我知悭BB嘅「发意所取」喇！

夏日炎炎，本鬼叹返支冻冰冰嘅汽水消吓暑先！

悭BB见到个干净玻璃樽，立即变绿，得咗？仲「转废为材」，玻璃樽变环保建材，无得弹！

近年全港玻璃樽回收已有重要突破，大量玻璃樽回收后，经压碎等过程化成玻璃沙，可代替海沙铺路填海，又可混入英泥等制成环保地砖或其他绿色建材，多元出路，令本地可尽量全部吸纳！

识到悭BB呢位朋友，真系开心喇！我以后每樽玻璃，都要干净回收！

悭BB咁like回收物，唔怪得本鬼会喺社区回收站「绿在区区」见到佢啦！今日，我哋旧地重游。

喺「绿在区区」，佢见到有四电一脑、小型家电、悭电胆/光管同埋充电池共四大类回收安排，好方便整全，似回收自助大餐，兴奋！

佢全身仲变成红噹噹，点解呢？

天气咁热，本鬼特登买咗樽大支装冻饮叹吓！本鬼打开雪柜，悭BB见到里面有可回收物就好兴奋，于是我嗱嗱临饮咗大半支冻饮，就满心欢喜咁俾个樽佢啦。本鬼有求必应，系咪好老友先？

点知……悭BB竟然呕吐大作，原来系我做得唔够好，无将个樽清空干净，搞到佢咁唔舒服，连累回收受阻，自责ing……

你哋回收D樽时，记得清空同干净呀！

虽然本鬼贵为环保KOL，但系同悭BB相处，仲有好多嘢要学！

我带咗袋铝罐俾悭BB，睇佢变色就知佢开心啦！但系今次有铝罐唔干净，搞到悭BB唔舒服喇！

大家千祈唔好学我，回收前记得铝罐回收要干净呀！

近日废寝忘餐，本鬼制作咗一款AR滤镜游戏，希望同咁多位和悭BB一齐支持干净回收，转废为材。

有关游戏连结，请浏览Facebook或Instagram专页。

「能回避嘛　我怕了当那电灯胆」

如果系悭电胆嘅话，又使咩怕喎，因为用完之后可以回收！直管同其他形状嘅光管，以及高强度气体放电灯，都可以回收架。记得用新灯管嘅包装物料包返好支旧灯，破烂嘅灯管就要密封，过程中记得要保持安全喔！

包好悭电胆／光管，可拿去各屋苑悭电胆／光管回收箱（全港约有1,500屋苑收集点），或带去绿在区区同社区回收中心／街站，咪唔洗喺条街俾人闪到盲啰

冇伴侣，So what？我有悭BB呢个好朋友都唔差喇！若胡乱丢弃悭电胆／光管，危害环境及前线工友，要回避呀！

本鬼嘅AR游戏中亦有「悭电胆／光管」类别，一定难唔到你哋啦！

话咁快悭BB就嚟咗屋企一个月，见佢平时咁十卜我，就等本鬼带佢去蒲返次啦！

嗱，我讲紧嘅系贴纸相app咋，我哋好乖留喺屋企少出街架，乖过同悭过凯婷好多！唔好睇小我同悭BB嘅潜力，靓起上嚟，就好似漆黑中嘅萤火虫，咁鲜明，咁出众！

本鬼充满住文青气息，阅读、写作系我嘅嗜好，虽然撑电子化，但都有废纸。今日系我自己大意，废纸湿咗水，搞到悭BB反肚又呕吐，连我嘅文青造型都保唔住！

为咗唔好重蹈覆辙，回收文书纸、报纸及纸皮时，记住唔好湿水呀！杂质如钉装铁圈胶圈、书钉、万字夹、胶面同胶纸等，宜可除则除。

以上讲嘅废纸种类都会出现喺本鬼嘅AR游戏架，咁你知点攞高分啦！

「十万伏特」唔系本鬼嘅绝招，而系陷阱啊！

充电池宜回收，你哋仲要知回收时注意咩？为确保储存或运送过程嘅安全，宜回收前要喺充电池嘅金属尾端宜封好，例如贴上皱纹胶纸。

另外，可能有机会破损嘅充电池就宜用胶袋（例如系新购电池嘅胶袋）及胶纸封妥后先去回收。

系咪学到嘢呢？咁玩本鬼嘅AR游戏时，抽到「充电池」类别你知点回收啦！

本鬼嘅屋企首次曝光，有啲怕丑，但为咗传授环保知识，我准备好豁出去！

你哋知唔知图中我屋企嘅电器，有几多系可以回收？答案系全部！系全部啊！你谂得出嘅小型电器，原来好多都可以回收，当中嘅相机、吸尘机同风扇更会喺我最新嘅AR游戏中亮相，唔好话我唔俾贴士你。

本鬼set完个靓头，支定型喷雾啱啱用完，可唔可以俾悭BB回收处理呢？

原来有三大类金属不宜回收：曾用于盛载压缩气体或化学物品嘅金属容器、由金属同其他物料制造但难以分离嘅复合物品，以及受污染嘅金属容器。

相反，铁/铝罐、煮食器具、食品容器（如月饼罐）、奶粉罐，呢啲都可以回收，佢哋仲会出现喺我新出嘅AR游戏添！

虽然书展延咗期，但本鬼都出咗本写真～丫唔系，系文青绘本至真！仲要免费任睇，我班fan屎有福了

静静鸡话埋俾你知，睇完再玩本鬼嘅AR游戏会叻啲架，因为随书附送咗回收小贴士。小贴士系咩？系本鬼为左大家著想，又自揭疮疤 (个个都拍拖，唔通个个都想拍拖咩……)

记得玻璃鞋咁硬又难打碎，系唔可以回收嫁，而回收玻璃容器嘅招纸就唔洗特登撕出黎！

今日本鬼化身补习天王，同悭BB助教讲吓「减废回收2.0」呢个计划除咗推动源头减废，仲会从以下四层面提升回收配套

私人空间：开始了废胶回收服务先导计划 (东区、沙田及观塘3区先行)，并新设「绿展队」外展服务予实地协助

绿在社区：整合绿在区区、社区回收中心及新增回收街站，共计将近100点，服务全港18区

智能空间：实施「入樽机」及智能回收箱应用先导计划，回收饮品胶樽及其他可回收物

行人空间：提升路边回收桶服务及改善设计，逐步转型

居家抗疫日日都喺屋企食食食，不少人都肥咗成个码。悭BB食到就嚟飞唔起喇

本鬼决定发挥烹饪小宇宙，帮悭BB度身订造健康食谱，煮呢款用三种废纸做材料嘅轻盈沙律。纸系木造，即系素啦，多啲食健康啲，嘿嘿

问题系本鬼屋企啲废纸用得七七八八喇，大家快啲帮手将啲唔要嘅纸皮、报纸同办公室用纸，攞去回收。悭BB好大食哦！

本鬼见到张报纸，话环保署今年为香港废纸回收带来新机遇，已经请咗十几个承办商，从全港各区收集废纸，转废为材。大家都多啲支持干净回收废纸，地球都健康啲！

提提你，今日系农历七月十四……

我哋系唔收有鬼嘅电视机架！无鬼嘅小型电器同四电一脑，就全部都可以回收！

回收四电一脑：
2676 8888 或 https://weee.gov.hk/

回收小型电器：
https://www.wastereduction.gov.hk/sc/assistancewizard/recyc_note.htm

为咗帮悭BB健康啲，今日本鬼请到匿狮Lion出山，同我哋一齐视像运动，睇吓本鬼郁到身水身汗咁，几有活力！

喂呀悭BB，你净系hea郁条尾系健唔到身喎！

出身汗后梗系渴，悭BB望住匿狮Lion饮完支饮品，仲想要埋佢个胶樽回收再造！本鬼就认为健完身饮野，最健康系自备水樽，对自己同地球都身体健康啲！

悭BB最近见到媒体报导，环保署喺今年底为饮品胶樽回收带来新机遇，先导计划已经请左承办商，会喺港九新界摆放共60部智能入樽机，仲会考虑提供回赠，鼓励公众交番啲饮品胶樽，支持干净回收。依个先导计划系配合将来「塑胶饮料容器生产者责任计划」，大家都多啲支持减废喇！

日日戴住口罩，粒粒都生多咗！贪靓嘅本鬼会用燕麦同水每星期磨砂一次，保持皮肤光滑靓靓

市面上有啲个人护理产品用微胶粒制造，快啲搵出属于你嘅自制配方或天然产品，同我一齐胶少啲

环保署刚刚完成咗香港微胶珠污染管制策略嘅研究，而家密锣紧鼓筹备紧自愿淘汰含微胶珠个人护理及化妆品计划， 到时大家想搵冇微胶珠嘅磨砂产品，就会更加更加方便啦！记住密切留意呀！

本鬼当年做学生时最憎就系做功课，如果悭BB嗰时已经喺度，佢一定会为食到食晒我啲note屎，咁我咪有借口唔交功课啰，嘿嘿！

新学年执书柜个阵，记得捐旧书俾有需要嘅同学仔重用，或者攞去回收呀！

上网买樽维他命C啫，个纸盒居然有西瓜咁大，入面仲有几重保护，唔讲仲以为我买古董（哪有），下次都系出街买返......

网上购物留返有真正需要时先用，买嘅时候仲可以喺备注写埋「包装从简」，咁就悭钱又环保！

秋季，最啱就系同悭BB去行山同野餐！我哋用自备嘅餐盒同餐具享受住香喷喷嘅小食，侧边嘅十二只恐龙都流晒口水！

同悭BB去staycation！本鬼会自备牙刷牙膏、梳洗用品同拖鞋，实行咪大嘥！有时住多过一晚，仲会指示酒店重用床单同毛巾添，边个话去玩一定要大嘥？

本鬼同悭BB都中秋两团圆，惜食咪嘥！月饼我全都要，可以回收嘅月饼罐就留俾悭BB啦！

月饼罐亦可交去「绿在区区」、社区回收中心或有举办回收活动嘅机构，再唔系投入一般三色回收桶都得！中秋佳节，祝大家人月两团圆！中秋月饼食后，众月饼罐可回收团圆，就幸福啦！

10月，又系我鬼布斯一年一度嘅 show time。今次带俾大家嘅系「社区智能回收车」！仲回收有礼！

「社区智能回收车」会游走各区，大家可以上去架车体验下点样将废纸、金属、塑胶同玻璃放入智能回收箱、赚取电子积分同使用礼品兑换机换取礼品的整个过程。参观完，仲有纪念品添。智能卡一嘟，智能回收桶就会自动开门，以速算程式，测量同纪录回收物料类别同重量，再换算你嘅电子回收积分；之后，就可以喺车上另一配备「礼物兑换机」换领我鬼布斯为你精心准备嘅心水礼物。整个流程自动自助，干净流畅。

「社区智能回收车」或可重新定义你嘅回收习惯。回收车将会走访各区进行示范，详情请按此。

想搵回收点呀？环运会chatbot啦！
想知有咩环保活动呀？环运会chatbot啦！

环境运动委员会 Environmental Campaign Committee嘅chatbot登场喇！只要喺环运会Facebook页面揿「传送讯息」，即可启动chatbot功能，全港回收点位置一问就知，仲会醒你回收小贴士同最新环保活动消息。

唔使四围腾，唔使四围搵，入嚟睇埋嚟倾！

请按此使用环运会chatbot。

「社区智能回收车」出动喇！恭喜你获得一个同本鬼&悭BB一齐试车嘅机会！

试车有咩玩？本鬼除咗预备定关于八种回收物嘅热身小游戏俾大家玩，仲邀请埋「绿展队」醒你回收有礼嘅秘技。

「社区智能回收车」下一站并唔系去天后咁简单，而系全港十八区呀！记得留意嚟紧嘅时间表，有关嘅安排会喺环保署减废网站公布！快啲出嚟野生捕获我哋！

悭BB凭住惊人嘅回收能力，成为本鬼嘅亲密环保战友！不过说话能力就……no eye see

回收物记得唔好揼，拎去回收唔单止帮到地球，仲可以喂饱悭BB添！

「绿在区区」同社区回收中心都可以回收八种回收物，仲有架「社区智能回收车」不定时出现系唔同地区，大家快啲攞回收物出嚟俾悭BB食啦!

本鬼所属嘅组织环保署将由10月起，接收各区路边回收桶。

就决定系你喇，出嚟啦！

路边回收桶新装配有 QR code，当大家见到满咗，scan一scan，我哋嘅回收承办商就会嚟处理。大家帮手，干净回收，满咗通知声，方便街坊又回收。

转季执嘢搵到旧月历？千祈唔好嘥，因为月历嘅废纸系可以回收架，记得宜去胶纸、除杂质，同埋咪湿水！

万圣节就到，要扮鬼扮马都唔使买新嘢嘅，好似我同悭BB咁，一人用一件旧T恤就成功扮鬼，既悭钱又环保。大家又有咩环保嘅cosplay idea？

悭BB近排机不离手，成日望住部电话阴阴嘴笑，又无端端带礼物返屋企，形迹非常可疑！

本鬼按捺不住要偷睇佢电话喇！原来悭BB只系同环境运动委员会Environmental Campaign Committee嘅chatbot倾偈，佢哋仲提供好多环保活动嘅资讯，悭BB都参加咗唔少，唔怪得之佢整咗咁多得意可爱嘅手作仔啦！

请按此使用环运会chatbot。

今日双十一，我同悭BB都冇打算疯狂shopping，因为我哋已经好满足。无论优惠有几吸引，冇需要嘅话就唔好买喇。

双十一唔一定要消费嘅，有朋友嘅陪伴已经好满足！

面对呢条问题，我决定打电话问我老友—— 环境运动委员会Environmental Campaign Committee嘅chatbot，因为佢有齐八类回收物嘅资料同回收贴士，你有关于回收嘅问题都可以问佢架！

请按此使用环运会chatbot。

咦～咁多人嘅？原来大家唔系睇楼，而系争住参观新嘅「回收便利点」。

社区回收中心「回收便利点」外表sharp醒，内里有齐八类回收物嘅收集设施，你都快啲去睇吓啦！

「啊！！！合体回收技！！！」

见到本鬼同悭BB一齐出现，就知一定唔简单啦～凭住悭BB对回收物嘅「食力」，加埋本鬼对回收嘅努力，减废回收话咁易！

鬼鬼我一拎一洗一掉，三扒两拨就可以将回收物轻松分类，干净回收。但如果你自问无本鬼咁高强嘅武功，就记得要认清回收八式，好好咁做好分类回收，方便悭ＢＢ「转废为材」喇！

想了解八式回收物嘅资料，请浏览环保署减废网站。

新上映嘅石器时代电影，令本鬼谂起当年咩都系用石用树木，如今...... 咩都系胶，真系心痛死鬼鬼同悭BB。如果大家都识走塑、用少啲胶，又或者至少用完好好咁回收返，本鬼就心满意足了～

悭BB同电视剧入面嘅「力图」一样咁“Little”，亦都同佢地一样咁热血㗎！无论几辛苦都好，都会尽力将回收物好好接收！除咗悭B要努力之余，都要靠大家嘅帮手，做好干净回收～你哋都会支持悭BB㗎可？

鬼鬼听到有人话回收点好远，唔方便。本鬼当堂吓一跳，然后得啖笑～事关而家除咗有可以接收不少于8种回收物嘅「回收环保站」同「回收便利点」，仲有「回收流动点」𠻹，真系周围都有回收点㗎！

拿拿拿～～咁多个回收点，你无借口唔去回收喇挂？！一于储够回收物就一次过送去回收点喇，减少不必要外出呀！

啱啱过咗咁多个购物节，大家有冇好多收获呢～唔知大家拆完份件之后，有无留意啲包装可唔可以回收呢？各位东区、观塘同沙田嘅朋友就可以将啲不能重用嘅废塑胶放入已登记「塑胶回收先导计划」处所内嘅回收桶啦。
一个桶，所有胶都收！
一个桶，所有胶都收！
一个桶，所有胶都收！
(重要讯息要讲足3次!)

即刻睇吓下面有边啲嘢可以拎去回收
√ 胶袋 (如:背心袋、米袋、包装胶袋)
√ 胶容器 (如:胶樽、胶桶、胶箱、微波炉胶盒、乳酪杯、豆腐盒)
√ 发泡胶 (如:水果网、发泡胶箱、发泡胶防撞物料)
√ 胶餐具、光碟及包装物料 (如: 胶餐具、胶饮管、光碟、包装气泡膜)

「塑胶回收先导计划」详情请按此。

「唔啱听嘅说话你想唔想听？」

本鬼发现悭B每次食完回收物就唔舒服，原来系因为大家无做好干净回收！！如果大家唔帮手做好干净回收，悭B无得好好咁将大家嘅回收物转废为材，佢就点都唔会够我BW斗。大家行多一步帮吓佢啦!

本鬼一早就觉得悭BB系可造之材，所以即使佢咁Cute，本鬼都绝对唔会心软，好好咁训练佢成为真正嘅环保之星！净系得本鬼鞭策佢系唔够㗎，要靠大家一齐俾多啲回收物佢食，等佢频密锻练转废为材嘅技巧，先可以成为更强嘅悭B！

本鬼身为环保界KOL，圣诞装饰呢啲嘢梗系环保行先～同大家介绍返鬼鬼本年度嘅呕心沥血巨作——胶樽圣诞树！本鬼四周围收集胶樽，再用咗好耐时间砌，真系靓得嚟又够哂环保～

点知！你自己去片睇下发生咩事啦......

圣诞节还是要过～鬼鬼同悭B喺呢到祝大家Merry Christmas！最重要系如果有唔能够重用嘅装饰品或者包装记得唔好乱揼，要好似鬼鬼同悭B咁干净回收呀！

万人迷鬼鬼梗系收到好多圣诞礼物啦，最开心嘅就系收到张绿绿赏卡呀！Well 我前前后后仲叫埋邻居陈师奶李小姐同好多朋友仔去开卡，大家一齐回收储分换礼物～

哈～平时我都储唔少喇，你哋都要努力储下呀～

鬼鬼温提：拆礼物拆得好开心嘅同时，记得将用完嘅包装拎去回收，同提朋友下次走包装就更好了！

话咁快就嚟到2020年最后一日，今年大家都居家抗疫，本鬼就约定你哋今晚11点59分50秒，准时开住鬼鬼同悭B呢条片一齐倒数啦！

相信大家今年喺本鬼同悭B嘅督促下都有乖乖做好干净回收嘅～应承我哋，下年继续努力好无？

嚟到新一年，我哋嘅社区回收设施包括「回收环保站」、「回收便利点」同「回收流动点」会继续喺各区为街坊服务，方便大家做好减废回收。而「社区智能回收车」就会因应疫情调整出行时间表， 收集大家嘅回收物！另外，三区嘅「塑胶回收先导计划」亦都会继续进行㗎～本鬼偷偷哋话埋俾大家知嚟紧仲会有一部靓得嚟又可以回收饮品胶樽嘅「入樽机」，而家卖个关子先～想知佢几时面世就跟住鬼鬼啦！

鬼鬼考考你，呢个系咩Logo？
咩话？唔好话我知你唔认得呀！

嗱～等本鬼提多你一次啦！呢个系绿在区区嘅Logo，大家喺街见到呢个6字嘅Logo，就系我哋嘅社区回收设施，可以拎回收物去干净回收㗎喇！认住佢喇喂！

「悭BB～悭BB～Say Hello！」

从前有只好可爱嘅悭BB，佢好环保又钟意食回收物，食咗8种回收物会变唔同颜色，仲会转废为材，所以佢嘅世界好干净，日日都生活得好开心好快乐～

话说鬼鬼有日唔觉意随手将个用完嘅玻璃樽揼落垃圾桶，仲咁啱俾悭BB睇到，佢即刻嬲咗我足足一日呀，本鬼最后执返个樽揼去回收桶，佢先开心番咋！

凌凌鬼以后都会小心啲，知道「就算系一张废纸、一个玻璃樽，都有佢本身嘅用处！」唔会再乱咁揼嘢㗎喇！

「Big Waster是我，悭B是你，W是环，B是保」，拼起来就是『环保waan4 bou2』。」

每个人心底都可能有一个「悭」嘅念头，只系好多时一个唔觉意或者因为懒，就将呢样嘢放低咗。唔好再收收埋埋，走出嚟啦，更光明嘅环保世界等紧你！

一个夜阑人静嘅晚上，鬼鬼我喺屋企听到「dee.....dee...deee」咁嘅声。于是本鬼鼓起最大嘅勇气去查探吓！点知差啲俾悭BB吓鬼！！！！

想知发生咩事？自己睇片啦！

大家留意～鬼鬼有嘢益大家！而家拎2公斤或以上嘅回收物去「回收便利点」或者「回收流动点」️，就可以登记领取「绿绿赏」积分卡，储分换礼物。积分可以用嚟换日常生活用品同粮油干货等等嘅礼物，大家仲可以同朋友或者屋企人一齐用一张积分卡，加快赚取积分𠻹！

部份回收便利点有新开张嘅推广优惠，只要拎1公斤嘅回收物嚟就可以开卡，快啲去佢哋嘅Facebook page睇吓最新资讯啦！

我就叫大嘥鬼，环保界冇人唔识我嘅。

话说有日行行吓，有个胶樽突然飞埋嚟，仲掉中我个头！我当堂火都嚟，捉住佢问吓佢系边个咁大胆啦，嗰只嘢系咁话「悭」，见佢识回收又识转废为材咁喎，本鬼就唔识佢喇，你哋有冇人识呢只悭B呀？

只要你系地球人，地球嘅事就一定关你事！唔好再俾借口自己，唔系讲笑，努力做好减废回收啦！

哎哟～主子真系太可爱喇！每日当佢发动喵喵喵攻势，本鬼都忍唔住要俾罐罐佢食。点知悭BB又有样学样，摆个可爱样出嚟，唯有喂佢食个罐啰～

本鬼最后提提大家～记得要清洗干净，撕走所有非金属附件先拎去回收呀！

喂～新年喇！学鬼妈话斋：「屋企咁多嘢财神见到都唔入嚟啦！」

嗱嗱嗱～知你哋实话唔知点执㗎～跟住我杂物咨询师鬼鬼嘅执屋三部曲，就冇借口话唔识啦！

第1部：捐窿捐罅，搵吓屋企有冇「鬼鼠位」收埋咗啲回收物，再拎去回收。
第2部：留意吓有冇嘢系放咗喺度好耐一直唔用，掉咗又觉得浪费嘅，就转赠俾有需要嘅人啦。
第3部：检视完所有物品之后，将真系好有好有纪念价值嘅物品好好收藏。

大家明白啦嘛～有方向啦嘛～仲要记住唔可以咩都当垃圾咁揼，睇清楚有冇回收物呀！

咁多位！你唔系唔识呀？悭BB喎！虽然而家先出第一首派台歌（都有份唱几句咁啦！）～

呢位新人开口埋口话「悭～」，又会食回收物变变变唔同嘅颜色，仲识「转废为材」，话俾大家知「回收点止三色咁简单」！由大家最深刻嘅「蓝废纸、黄铝罐、啡胶樽」，增加至8种回收物都收架啦！

下次喺街到见到阿鬼同悭BB，记得一齐Jam番首歌喇！

偷偷地话俾大家知，本鬼一直收埋咗一样嘢好耐........就系珍藏版鬼鬼贺年大碟！年年都拎返只绝密版大碟出嚟重用！重播！重用！重播！提升节日气氛啦！

点知悭BB一个唔该就同我食咗佢。唉....见佢咁有心帮我拍MV上载去BWtube，「数码化」咗只碟之后，下年仲易拎出嚟播喇！！

激死本鬼喇！悭BB都听唔明我讲咩嘅！

讲多两句佢仲走咗去𠻹！！大家评吓理，你哋话边个啱呀？

同悭BB相处咗一排，本鬼发现佢真系非常大食，喂极佢都仲系成日嗌肚饿！呢几个月本鬼都攰啦......大家一齐帮帮手去下面条link喂饱悭BB啦！

不过大家要注意呀！悭B净系食废纸、金属、唔同种类嘅塑胶 (包括发泡胶)、玻璃容器、悭电胆/光管、充电池、小型电器同四电一脑嘅可回收物！若然佢食到啲唔适合回收嘅物品，佢又会呕㗎喇！

请 按此参与「悭BB育成记」游戏。

本鬼又又又有嘢要益大家喇～由即日至3月17日，喺「悭BB育成记」游戏入面，会不定时咁出现3个「悭BB限定时刻」，见到记住要即刻cap低呀～大家下次去回收站回收嘅时候，只需要带同至少1公斤嘅回收物并出示3款限定时刻嘅截图，就可以获得100分嘅绿绿赏积分㗎喇！

请 按此参与「悭BB育成记」游戏。

*每人每日最多可换领积分一次。如未有绿绿赏智能积分卡，只要提交1公斤回收物及出示3款截图，即可申请积分卡一张。

系人都知悭BB同本鬼最钟意扮鬼扮马，大家又估唔估到今次我哋两个扮紧边个呢？俾啲贴士大家呀～一个系成日拎住支结他喺街头Busking 嘅靓声KOL，另一个就系无论上山下海都会见佢嘅踪影，仲会帮手清洁海岸嘅山系环保KOL！讲到咁白大家都仲未估到？

想知道鬼鬼扮紧边个，呢几日留意本鬼嘅FB同IG就会有答案㗎喇！

开估喇！开估喇！悭BB同鬼鬼系扮紧 Judas Law 同埋 Hidy Yu 余晓彤呀。似呀呢～都话我哋两个扮乜似乜㗎啦。讲返正题先！之前环保回收达人Hidy就喺街头做咗个访问，问吓大家日常嘅回收做法。而Judas就分享咗佢Busking嘅时候，观察到大家嘅一啲坏习惯。唔剧透咁多喇～即刻去片！

请按此浏览影片。

唔知大家有无喺街见到部有鬼鬼靓样嘅机呢？嗰部就系回收饮品胶樽嘅「入樽机」喇！大家以后见到佢就可以拎啲饮完嘅饮品胶樽去回收，仲会有即时回赠𠻹㗎～

千祈千祈千祈！记得记得记得！干净回收但唔好撕走胶樽上嘅招纸，保留樽盖同Keep住樽身唔好变形呀！

今年第1季会有60部入樽机喺港九新界唔同地方陆续投入服务，想知边度有入樽机？即睇：www.hkrvm.com.hk

想知入樽机点运作？ 去片：www.hkrvm.com.hk/hk/usage

「我系鬼鬼，系个永不放弃嘅鬼。」

鬼鬼从来都系一个好坚持嘅鬼。讲到环保，本鬼更加系！为咗推动更多人饮完嘢回收返个胶樽，环保署全新嘅「入樽机」已经面世喇～透过入樽机交回饮完嘅饮品胶樽可获得即时回赠 ，并确保呢啲胶樽都会运到合适嘅回收商，喺本地妥善处理及回收𠻹！

记住！要保留返樽身嘅招纸、樽盖同埋Keep住樽身唔好变形，部机先会认得你个樽㗎！

悭BB都识进化？无错！全靠大家嘅努力，悭BB已经成功进化咗喇！即刻Click下面条link睇吓进化咗嘅悭BB系点样㗎喇！继续去喂佢啦～悭BB嘅成长就靠你哋喇！！

请按此参与「悭BB育成记」游戏。

作为鬼鬼嘅忠粉，应该都知道环保署已经喺唔同嘅地区推出咗「入樽机」啦！（自认鬼粉嘅唔准话唔知呀）希望「入樽机」嘅出现，令大家回收饮品胶樽可以更方便。

讲多样嘢畀大家知～其实入樽机系将来推行嘅塑胶饮料容器生产者责任计划嘅其中一部份嚟㗎，以妥善及有效管理废塑胶饮料容器！为期三个月嘅公众咨询已经开始咗，大家有咩意见就记得要去提出啦～

为咗保护环境，大家一齐承担回收饮品胶樽呢个责任啦！

入樽机详情: https://www.hkrvm.com.hk/hk/

「塑胶饮料容器生产者责任计划」，今日起咨询期三个月，至到5月21号。请按此浏览更多详情。

鬼鬼好努力咁顶到头都痛埋，都系希望可以增加回收数量，喂饱悭B咋！见到鬼鬼咁辛苦，不如大家都一齐帮帮手啦！不过大家就唔使好似鬼鬼咁辛苦嘅～只要将合适嘅回收物喂俾悭BB就ok㗎啦！平日大家咁十卜（Support）鬼鬼，今次都一定会帮手嘅～系咪？

请按此参与「悭BB育成记」游戏。

沙朗嘿唷～大家见到咁靓仔嘅鬼鬼都实会想珍藏我嘅闪卡㗎喇！
实体卡呢就暂时未有喇～想储特别造型嘅鬼鬼同悭B就去「悭B Game」入面留意住3个不定时出现嘅「限定时刻」啦！仲有呀～Cap齐哂3款截图再带同至少1公斤嘅回收物去回收站，仲可以获得100分嘅绿绿赏积分𠻹呀！

请按此参与「悭BB育成记」游戏。

*如果未有绿绿赏智能积分卡，只要提交1公斤嘅回收物同出示3款限定时刻截图，即刻可以申请积分卡一张。

话咁快悭BB育成Game就嚟到尾声喇～仲未玩过嘅快啲去玩啦！大家记得趁最后几日，一齐挑战喂饱悭BB，亦都要留意唔好乱喂嘢俾悭B食同埋Cap底限定时刻（特别系本鬼嘅型仔样）换分呀！

请按此参与「悭BB育成记」游戏。

唔通鬼鬼偷偷哋喺「入樽机」入面做嘢又话你知咩～

讲笑啫～唔通真系靠本鬼逐个碌咩，想攰死鬼鬼呀！新嘅「入樽机」好high-tech㗎～除咗具备扫描功能，用嚟识别容器上嘅条码，确保接收嘅都系饮品胶樽之外，仲有压缩功能，可以减少胶樽嘅体积，咁就可以提高入樽机嘅处理同储存量啦！

樽盖同招纸都唔驶搣走，因为回收厂会识得用机器打碎同分类架喇！最紧要干净！

好消息！！而家喺「绿在东区」、「绿在大角咀」同埋「绿在屯门」都分别设置咗智能回收箱！佢识自动测量、记录回收物重量同自动储存回收奖赏积分𠻹㗎～大家快啲去试用呢啲智能回收箱做回收啦！

「各位绿在区区嘅鬼鬼迷，系咪玩得好开心呢？记得攞齐你哋嘅随身物品，下次再嚟绿在区区回收呀！」

绿在区区有得回收又有得储分，积分仲可以换礼品𠻹呀！你话呀～点可以唔Keep住再嚟喎！

请按此浏览各区「绿在区区」地址。

唔知大家有冇听过一个都市传说，当充电池冇电嘅时候，只要拍吓佢就可以将佢仅余嘅电逼出嚟呢？本着求真精神嘅鬼鬼，听完即刻就试咗，拍到手都软呀，不过效果好似麻麻啰.....仲要俾悭B追住我嚟咬𠻹～

听鬼鬼讲，与其拍到手都痛，不如好好地拎旧电去回收，快啲俾个机会佢重生好过啦～

无论问咩问题，悭B都系应你一个字「悭～」，就等鬼鬼帮大家翻译啦！
「我哋系边个？」「悭BB！」
「最钟意做咩？」「食回收物！」
「最叻系做啲咩？」「转废为材！」
唔知悭BB几时先可以学识讲嘢，等本鬼唔使再做翻译呢.....

每逢节日鬼鬼会遇到一件好唔开心嘅事，就系收到嘅礼物都会有好多层包装，拆极都拆唔完......

其实节日气氛嘅嘢又唔一定要用包装堆砌嘅！下次送礼物俾朋友嗰阵，不妨试吓走包装，收到嘅人都一样开心啫～～

有日鬼鬼带悭B去O · PARK 1 参观厨余回收厂，点知意外发现大食悭BB系连厨余都啱食，仲变咗身做紫色𠻹！想知个过程系点，即刻去片睇吓！

自从悭B发现自己钟意食厨余之后，就成日捉住鬼鬼要本鬼煮嘢食......

成日要我煮，都系想我俾啲菜头菜尾佢食咋嘛！不过见佢食得咁开心，将厨余转化为生物气用嚟发电，仲可以成为堆肥，就唔同佢计啦！

有啲嘢唔夹就系唔夹，唔可以放埋一齐㗎！

垃圾桶还垃圾桶，回收桶还回收桶，两样嘢嚟嘅，唔好捞埋一齐讲呀吓！环保署已经推出咗新设计嘅路边回收桶，上面仲有QR Code，如果个桶满咗就可以即刻通报承办商跟进，回收就更方便啦。

如果你哋有可回收嘅纸张、胶樽同埋金属就记得拎去回收桶干净回收啦！

我挡！再挡！边个再乱抛就冇面俾呀！

你就话贪方便将垃圾抛落回收桶，但啲垃圾有可能会污染咗成桶回收物㗎！听阿鬼讲，垃圾就放垃圾桶，唔好搞乱。我冇分身都冇三头六臂挡㗎！

悭BB成日心思思想偷食充电池，其实又使乜偷食喎～等本鬼我陪佢一齐拣啱佢食嘅充电池咪得啰～放心！为咗悭B嘅身心健康，本鬼一定会金睛火眼咁过滤，唔会俾悭BB乱咁食即弃电池！

正所谓养樽千日用在一时...... 鬼鬼我就系怕悭BB饿，平日先储埋咁多樽咋。

你睇下佢只嘢几猴擒！冷静啲先～慢慢食啦！

「入樽机」都推出咗一排啦，大家除咗知道佢可以回收饮品胶樽兼有回赠之外，仲知唔知其实佢仲有个好有意义嘅技能呢?

你可能留意到。无错！佢有得将回赠金额捐俾香港公益金、香港童军总会或香港女童军总会呢3间慈善机构㗎～环保得嚟又可以做善事，大家冇理由唔支持啩～

食完回收物变唔同颜色就话好睇啫，食咗唔干净嘅回收物，搞到悭BB变到魔鬼咁款又恶又有角又何必呢？佢一心只系想食啲干净嘅回收物咋，你哋唔好再逼佢喇！

哎哋！心急到你呀！咪一路洗紧啰，等一等先啦！

唉。。。鬼鬼我得一对手边洗得咁快喎！！如果大家有乖乖咁将回收物洗干净先拎去回收，本鬼就唔使一个人洗得咁辛苦啦！

喂呀～点解冇人提本鬼听日系母亲节呀！大件事喇今次！！

任何人都可以得罪，但得罪母亲大人分分钟连饭都冇得食！唔讲咁多喇，快快手搵吓屋企有咩嘢啱做鬼妈嘅母亲节礼物先！

悭BB食完回收物会变色再转废为材就大家都知啦～（话唔知嘅返去由头追post一次）但究竟佢系点样变身㗎呢？！即刻去片，成个变身过程将会赤裸裸咁呈现俾大家睇！

做得本鬼身边嘅悭B，又点可以净系识转废为材一个技能㗎（虽然呢个技能已经好叻），要一直进步㗎嘛～鬼鬼我成日都会同佢做好多训练，务求令佢成为最强嘅悭B！不过其实本鬼最想嘅就系悭BB可以快啲学识讲嘢，唔使吓吓都估佢想点～

「Da加天禾讲，宜古Da家助巧回收，鬼师傅禾做最艾Ne～ 520 艾Ne哟」

（译：大家听我讲，如果大家做好回收，鬼师傅我就最爱你～ 520爱你喔）

早几日鬼鬼见到为食悭B好似想食咗个开住嘅风扇，吓到我9秒9跑去抆插头，惊电死佢！虽然风扇呢类小型电器可以回收啱佢食啫，但都唔系着住咁食㗎嘛！！好彩佢只系贪玩吓我啫～

注意！绿绿赏10公斤挑战得返几日咋！

大家储够10公斤回收物拎去绿在区区回收未呀？未嘅就快啲执吓屋搵下有冇嘢可以拎去回收啦～

活动详情：
5月31号或之前，提交累积不少于10公斤指定回收物（当中不少于1公斤废塑胶、玻璃容器或小家电）到各个绿在区区「回收环保站」、「回收便利点」同埋「回收流动点」，就有额外500分嘅《绿绿赏》积分；而如果累积到50公斤回收物，更有2000分𠻹！

自从有咗「入樽机」之后，回收胶樽就简单咗好多，仲边使又撕走招纸又要拎走个樽盖咁麻烦喎，就咁成个樽放入去「入樽机」咪得啰！不过都记得回收前要清洗干净呀，干净回收呢啲基本嘢大家都知㗎啦～吓话～

想知边度有入樽机？睇呢度啦： https://bit.ly/3u1oquT

鬼鬼我成日都执执埋埋好多回收物返屋企，食到悭BB肚Dum大大～（虽然好Cute，不过都惊佢会食滞㗎嘛～）如果大家乖乖地做好源头减废，本鬼冇得执咁多回收物返屋企，就唔驶系咁喂悭B食嘢啦～

本鬼知道，就算我用呢个回收行星弹你，你都唔会嬲，因为你唔只系鬼鬼嘅朋友，仲会..........食咗佢！

悭B～ I’m loving you all day

其实仪式感嘅嘢，用回收物DIY都一样得啫！你哋睇吓本鬼布置得几靓～

一条湿滑嘅街道，一个神出鬼没嘅悭B，就吓到鬼鬼我差啲喺屋企跑咗10K

悭B呀～其实你想食咗个遮袋兼话我知落雨应该用环保遮套或者雨伞除水机啫，出声咪得啰，唔使吓吓咁吓人嘅！！

唔经唔觉，原来悭BB已经喺我身边一年喇～由一开始意外嘅一秒眼神接触佢就无啦啦跟我返屋企（本鬼太有吸引力大家不要妒忌），继而发现佢仲识得转废为材咁叻B，鬼鬼我今日不停碌返个电话真系睇到眼湿湿呀～不过悭B到而家都仲未识讲嘢，睇嚟鬼鬼我要继续努力至得喇！

听日就系国际野餐日，咩都快人一步嘅鬼鬼我梗系抢先今日就带埋悭B去野餐先啦！嗱嗱嗱～大家唔好以为本鬼会咁唔环保又拎即弃胶樽，又汽水罐咁呀，嗰啲系专登带俾悭B食㗎！悭B成日话鬼鬼唔带佢出街玩，今次有嘢食又有得周围走，满足晒啦～

居家好帮手，星之悭BB！

唔好睇小佢呀，佢食回收物嘅速度好似打机果只卡比咁，一吸即吞（个肚胀都唔胀，条腰肥都唔肥）！

但记得喂食前要洗干净呀～

线索！我要更多线索去搵下啲剩食喺边度！
边有可能一觉瞓醒就清晒碟㗎～唔通又系嗰只衰嘢帮手？

有日鬼鬼我突然间见到有几旧环保玻璃砖喺屋企出现，即刻令我谂起悭BB除咗为食之外，仲识转废为材，将啲玻璃樽转化做玻璃砖～悭B真系愈嚟愈叻猪！

喂呀悭B呀！唔好一见到回收物就即刻要食咗佢得唔得呀～

虽然你识转废为材啫，但系佢唔系一个普通嘅纸盒嚟㗎，系我最好嘅朋友呀！

虽然心心眼嘅悭B系好可爱，但鬼鬼我都唔会心软俾你乱食嘢㗎，就好似橡胶同硅胶呢两种胶你都唔食得，一阵食完又肚仔痛喇。乖乖地啦悭B，食返啲啱你食嘅回收物啦～

「收集，再造，生产！登登登凳～非塑胶即弃餐具就系咁样诞生出嚟㗎喇！」

分解塑胶往往要成几百年，虽然可以回收即弃胶餐具，但最好当然系用番可重用餐具啦。如果真系要用即弃餐具，不如用由纸、竹、米浆等等制造嘅非塑胶即弃餐具啦，就可以减少对环境嘅负担喇。大家都睇到鬼鬼我几努力喺度整㗎（悭B都好勤力咁督促我）唔好嘥我哋心机，大家都试吓开始用啦！

呢个胶樽对悭BB嚟讲，虽然最终会变成佢嘅嘢食，但呢一刻系佢嘅冲凉小鸭鸭～

鬼鬼我都要努力收集多啲唔同类型嘅回收物，整多啲玩具陪吓佢先～用完玩完先再转废为材。

你以为你咁样就可以逃出本鬼嘅法眼咩～鬼鬼我一眼就睇得出喇！仲睇到你用嚟匿埋嗰个纸箱冇撕到胶纸𠻹呀，等我帮你撕走佢再拎去回收啦～

环保补完计划即将启动！同大家脑补一下先，除咗一般大家都认知嘅胶杯、胶食物容器同发泡胶餐具之外，其实仲有其他例如饮管、搅拌棒、杯盖同食物容器盖都将会包含喺咨询计划后实行嘅范围入面㗎～

有咩意见记得喺9月8日或之前去 www.rdpt.hk 提交呀～

「系边个！边个打扰我唱歌嘅雅兴！！」

本来鬼鬼公主我好开心喺度唱紧歌，突然间见到有啲金光闪闪嘅嘢，鬼鬼我以为有宝物啦～点知原来系啲发泡胶盒吹咗落海！胶本身就已经好难分解，碎咗嘅发泡胶粒仲会化成塑胶微粒，威胁海洋生态系统，污染我个靓靓海洋！

如果你对管制即弃胶餐具有意见，记得喺9月8日或之前去 www.rdpt.hk 发表喇～

话晒「悭B好与坏，在乎沟通与关怀」呀嘛，所以鬼鬼我平时收集完回收物之后，就会左拣右拣，睇吓有冇啱用嘅嘢，再绞尽脑汁咁DIY啲玩具俾悭BB陪佢玩㗎～你睇佢玩得几开心！

点解会食鱼食到成口都系胶㗎.....

鬼鬼唔系讲笑㗎，喺香港常见嘅海上垃圾入面，有好多都嚟自即弃胶餐具嘅塑胶碎片同埋发泡胶碎片，废塑胶破碎之后成为微塑胶漂入海洋。大家试谂下，如果海洋生物食咗呢啲废塑胶，大家喺食嘅时候就有机会食埋啲胶，其实最终要承受嘅都系自己咋！

喺9月8日或之前去 www.rdpt.hk 提交意见啦

见到悭B系咁不停食「四电一脑」回收物，鬼鬼唯有讲一句「呢个世界真系美好，啲空气真系清新呀」嚟冷静吓～

又边个估到悭B，人仔细细可以食到咁多嘢得㗎～其实食唔晒唔使夹硬食㗎，等鬼鬼我打去 2676 8888 搵政府营办商，免费上门回收啦！

连续咁多日睇咗咁多场热血嘅比赛，鬼鬼嘅运动魂都忍唔住爆发出嚟喇！不过得我一个跑得咁辛苦，悭B恃住自己识飞就喺度整蛊我.....

自从鬼鬼我戴咗透视力眼镜之后，所有即弃胶餐具都即刻俾我睇穿晒啊！！！本鬼忍唔住要出绝招喇，出嚟啦悭B！同我食晒所有胶～

不过净系靠鬼鬼同悭BB努力回收系唔够㗎，最好梗系从源头入手减少使用即弃胶餐具啦！

有意见记住喺9月8日或之前去 www.rdpt.hk 提交呀！

你知唔知香港每日平均弃置嘅废塑胶有几多？系2,320公吨呀！当中嘅即弃胶餐具就大概有200公吨，而发泡胶餐具每日都有40公吨㗎！胶咁难分解，再咁落去个地球顶唔顺㗎喇！

记得要喺9月8日或之前去呢个网站 www.rdpt.hk 俾意见呀

嗱～大家睇清楚啲，鬼鬼我系叫悭BB食纸咋，唔好谂错隔离呀！

话咗你㗎啦悭BB～成日趁我唔为意就偷食啲未洗干净嘅回收物，而家搞到魔鬼咁又恶又有角，系咪衰呢！

有冇计过全盛时期你一个星期会买几多餐外卖？又有冇留意一餐外卖用咗几多胶？等本鬼话你知，单单一个外卖，最基本已经包含咗胶袋、胶盒、胶碗、胶杯同胶餐具。餐餐都用咁多，你话个环境点搞呀？！

仲有几日咋，记得要喺9月8日前去 www.rdpt.hk 俾意见呀

「即弃胶胶，变哇变哇变！」

鬼鬼仙子嘅出现，就系为咗将所有即弃胶餐具变做比较环保嘅代替品！你睇吓～经过本鬼嘅变变变之后，成个环境几美好！其实只要有心，人人都可以系鬼鬼仙子，不如大家都一齐搣甩即弃胶餐具啦！

悭BB愈大愈百厌！食就食啦，又要当吹波胶咁玩，曳曳悭B！

根据非正式统计，一路食住「口立湿」一路睇戏，套戏会好睇10倍（好似系）。好彩平时鬼鬼有储埋啲细细粒又碎湿湿嘅Con盒俾悭B当「PopCon」，悭B先肯静静地陪我睇戏咋～

独家消息！大嘥鬼同悭BB 9月18日喺德福花园出现！

实不相瞒，鬼鬼系去「绿在社区回收墟2021」活动呀，我哋会同大家一齐参加二手物交换市集、智能回收系统推广、仲有唔同嘅游戏摊位㗎～

对住咁为食嘅悭B，一只纸飞机就可以帮到佢放电啦～仲可以喂饱佢，转废为能𠻹！

（其实系本鬼懒得带佢落街）

灯笼嘅嘢，只要有心思再加埋一对巧手就可以整到啦，轻松！！大家睇吓鬼鬼DIY嘅碌柚灯笼几高质，只兔仔几生动，悭B玩得几开心～

本鬼同悭B受欢迎就出晒名㗎啦～睇吓上星期日几多人去德福花园搵我哋！嗱～预告定俾大家知，我哋嚟紧2个月仲会去唔同地方见大家㗎！

各位鬼粉准备好未？（尖叫声！！！）

想知嚟紧2个月会喺边度撞到我哋？去呢度睇啦: https://bit.ly/3kAWoVT

哎唷！冇阴公啰！悭BB个衰dol（衰仔），偷咗禾个月饼盒呀！

系～月饼盒呢类铁盒系可以俾悭B食嘅，但都要睇清楚入面有啲咩先，鬼鬼我收埋咗好多宝物喺入面㗎嘛～

俗语话：「嘢可以乱食，说话唔可以乱讲。」

其实嘢都唔可以乱食㗎！你睇悭BB见电就食，即刻GameOver喇！

利申：唔系鬼鬼控制悭B玩㗎，系就唔会俾佢乱食汽车电池啦！

想知多啲就去下面睇吓边度有得回收充电池啦: https://bit.ly/2XTnsGY

「悭B传来挑战～回收Challenge变变变！」

悭B：「悭悭悭悭悭悭悭悭，悭悭悭悭悭悭悭悭悭悭悭悭悭，悭悭悭悭悭悭悭悭悭悭！」

（鬼译： 大家揿到我变咩色，你就要拎对应嘅回收物去回收，你够唔够胆接受挑战先！）

咩话！绿绿赏卡可以召唤到奖赏礼品？等我游戏鬼发动绿绿赏卡，用电子积分召唤唔同嘅回收奖赏先！

绿绿赏积分计划：https://bit.ly/3F7PU8S

悭BB学人开Live，话要开个食胶嘅ASMR～唔怪得之前系咁问鬼鬼我拎啲塑胶回收物，仲要本鬼专登帮佢收集劲多光碟，话啲声好听啲喎～

之前悭BB见到有人同电饭煲签纸结婚，佢又有样学样，想同屋企个坏咗嘅电饭煲结婚喎，吓得我呀。不过鬼鬼知道佢都系贪玩啫，转个头咪又系一啖食咗佢～

鬼鬼我同悭BB喺10月23日又再出动见大家喇，你哋估吓我哋今次去边度？ （而家唔开估住，答案迟啲喺Comment Box度同大家讲～）

话说噚晚本鬼终于有少少私人时间，第一时间打电话畀老友上网连机，快乐，无比嘅快乐……点知喺隔离嘅悭BB竟然一啖咬落个mon度！！No！个mon仲用得，唔系回收物嚟㗎！我哋差少少就赢㗎喇！！！

Any肥，请问应该红烧定清蒸？

知道好多人都挂住本鬼同悭BB～我哋嚟紧会继续落区见吓大家！
10月30日喺沙田第一城同荃湾中心、10月31日喺湾仔利东街，都会有「绿在社区回收墟2021」活动，记住嚟睇吓智能回收系统嘅推广同体验，仲有工作坊及各种摊位游戏，同埋最重要嘅——本鬼同悭BB！

之后仲会去边？去呢度睇啦：https://bit.ly/3kAWoVT

「乜咁啱嘅...」

又有边个估到，原来入樽机除咗可以回收饮品胶樽兼有回赠之外，仲可以制造偶遇机会㗎啫～

本鬼前几日同悭BB去咗黄埔花园，参加绿在社区回收墟2021，又体会到「被」追星嘅感觉喇！悭BB，快啲畀佢哋睇吓本鬼嗰日嘅风采……同埋热情嘅鬼粉啦！

预告吓我哋今日会去沙田第一城同荃湾中心，听日会喺湾仔利东街同大家见面！嚟紧11月，仲可以去呢啲地方搵我哋喎～https://bit.ly/3kAWoVT

沙田嘅鬼B粉！荃湾嘅鬼B粉！ 湾仔嘅鬼B粉！ 感谢咁多位鬼B粉呢两日嚟参加活动！

我同悭B已经好挂住大家，唯有睇吓影咗嘅回忆「绿」嚟抚慰下我嘅相思之情啦～

不过唔紧要！嚟紧三星期又可以去见新朋友啦！
11月6日就去见新蒲岗采颐花园嘅朋友啦；
11月7日就去旺角海富苑啦...

由于本鬼太兴奋，咁讲落去会没完没了所以，大家可以click下面跟贴啲我哋嘅行程：https://bit.ly/3kAWoVT

秋高气爽，本鬼心情舒畅，谂住带悭 BB 去行吓山，点知行咗几步，悭 BB 对沿途嘅「美食」流晒口水…

本鬼净系要阻止悭 BB 食啲唔干净嘅回收物就已经心很累，都唔知仲有冇力行返落山…

大家行山嗰时记得尽量用可重用嘅器皿，同埋带走自己嘅垃圾落山，分类好之后再干净回收，知道无？

悭B呢排唔知受到啲咩刺激突然间攞个红菜头嘅根放系个头顶...

吼！哈哈哈！吼！

厨余用得唔好嘥！不过，其实万圣节过咗好耐喇……

你哋有冇见过悭BB？

我见呢排啲红叶开得咁靓，就谂住带悭BB嚟浪漫吓啦，但行行下唔见咗佢。

眼望都系一片片嘅红色，连悭B个影都唔见。。。等等。。。唔通！？

悭BB你原来将啲回收物收埋咗喺呢度！

最新消息！！！

鬼鬼我就向 Jerry.C 谢利 同 SMITH 陈俊艺 发出咗挑战！要佢哋喺嚟紧 7 日养成唔同嘅环保小习惯。

话畀大家知要养成环保习惯其实真系唔难，我仲搵咗一向环保嘅 MelodyCheng 畀啲意见佢哋！大家记得要留意佢哋嘅 FACEBOOK 同IG，睇下佢哋挑战成唔成功啦！

七日嘅环保 Challenge 今日开始喇！Well～ Day 1就简单啲～ 喺屋企搵下有无啲可以回收嘅嘢。咁简单？！嗱... 未讲完！系要搵一啲三色回收物以外又可以拎去回收嘅嘢。事不宜迟，一齐睇吓 SMITH 陈俊艺 同 Jerry.C 谢利 做成点？环保达人 MelodyCheng 有啲咩贴士畀佢哋呢？

嚟到 Day 2！呀鬼我就约咗 SMITH 陈俊艺 同 Jerry.C 谢利 去一个神秘地方！可以帮手处理噚日搵出嚟嘅回收物。呢个地方佢哋两个都系第一次嚟。即睇佢哋有咩反应啦~ MelodyCheng

进入到 Day 3，今日就畀个机会 SMITH 陈俊艺 同 Jerry.C 谢利 问吓环保达人 MelodyCheng 点喺日常生活上减塑！呀鬼畀大家嘅小tips就系，由自备餐具开始，逐步逐步减塑。唔知Melody又有咩小贴士呢？

个 Challenge 都进行到一半！估吓今日会做咩？今日返去之前回收嘅地方「绿在区区」回收便利点，Check 吓 SMITH 陈俊艺 同 Jerry.C 谢利 keep 唔 keep 到回收习惯！睇吓有无认真对待呀鬼我畀嘅挑战先~ MelodyCheng

顺便提提大家可以去「绿在区区」回收，可以用绿绿赏积分卡储分换礼品！

绿绿赏积分计划：https://bit.ly/3F7PU8S

介绍返！唔止系今季，而系四季都咁潮嘅PANTONE！

Classic Greeny 经典悭B绿
Plastic Brown 啡塑胶
Oldspaper Blue 旧纸藏青
Metallic Yellow 罐属黄
Fragile Green 碎透绿
Electric Red 电力红
Brickputer Red 四电一砖红
Shiningless Red 红光不再
Broken Rogue 坏掉红
Food Purple 厨芳紫

你跟我哋一出世就咁时尚嘅悭B学到未？

终于去到 Challenge 嘅最后大直路！考题 for today is… 环保署嘅入樽机系点样用！入樽机嚟紧会由 60 部倍增加至 120 部，总有一部喺左近，今日睇吓 SMITH 陈俊艺 同 Jerry.C 谢利 识唔识用先！ MelodyCheng

其实个「6」字系代表乜嘢啊？

喂！唔系啊喂～ 等阵先，唔好讲玩笑喇，大家讲讲，呢个系咩嚟先，有无人话到畀鬼姨知呢个系咩嚟先，唔系，冷静啲先～

圣诞包礼物，实多纸箱㗎！鬼粉识得源头减废啫，唔代表人哋都识㗎，咁多纸箱攞去边好先？攞去个「6」度攞！认住个「6」字，绿在区区真系几乎区区都有一间，开埋张「绿绿赏」智能积分卡，回收完又可以储积分换襟针啊贴纸啊咁，有重量有希望啊呢单嘢，回收物跟重量去计分嘅，玩吓手揸住 6,000 几分，证明自己够晒环保，到时鬼鬼真系「服」过土茯苓咁同你讲声佩服佩服～

绿绿赏积分计划：https://bit.ly/3F7PU8S

鬼医生！ 收到罕见嘅实体L.E. T .T.E.R.，需要立即进行紧急手术！

OPERATION L.E. T .T .E.R.
鬼医生: 手术刀
悭护士: 悭!
鬼医生: 钳
悭护士: 悭悭!
(悭护士... 紧张. ..帮鬼医生抹抹汗先）

鬼医生: 分离成功，OPERATION Success. L.E. E.R 成功重获 。。。!
悭护士你可唔可以等我讲埋句台词先食。。。
难得Cosplay扮医生。。。

记得分开唔同物料先攞去回收呀！

唔经唔觉就嚟到挑战嘅第6日！前几日嘅题目都主要讲「回收」同「减废」，今日就转一转新方向 → “Reuse” 物尽其用。SMITH 陈俊艺 同 Jerry.C 谢利 要发挥佢哋嘅创意，将废物 Level Up 继续使用。即睇佢地有咩 Idea！ MelodyCheng

Finally, 终于嚟到最后一日！经过呀鬼我6日密集式训练，SMITH 陈俊艺 同 Jerry.C 谢利 都学识咗唔同嘅环保技巧。今日就听听佢哋觉得呢个挑战究竟有无难度啦！ MelodyCheng 即刻去片！

本鬼终于都出名到出游戏！
一直人气高企嘅本鬼一啲都唔意外～

呢个Board Game有唔同类型嘅环保问题考考你，简单又好玩，啱晒一家人一齐quality time 啦！

换咗「基本版」之后，记住换埋「加强版」，入面有成80张问答卡，有冇环保高手敢嚟挑战本鬼？

无论系咩版本都有本鬼同悭BB嘅超闪闪卡，鬼粉们B粉们唔系唔储嘛？！

由今日起喺绿在区区有得换喇！即刻去片睇吓开箱片段！

作为「大嘥王」，本鬼除咗大嘥，其实玩Game都无人系我对手。
虽然悭BB你系可爱咗D，识得食回收物变色，可以转废为能。。。
虽然见越来越多人钟意你，我开始有少少危机感，即刻日日去进修各种减废回收嘅知识。。。
所以！今次我系唔会再输比你㗎喇！
我认真起嚟真系无咩人可以赢到我。
大家快啲去换嚟挑战我啦！

鬼鬼同悭BB好兴奋呀！
我哋请到好犀利嘅宇宙 STAR 去绿在区区做一日店长！
吓？系睇在我鬼鬼咁靓仔嘅份上先接？
个STAR系做咩架？俾啲贴士大家啦～

佢身兼几职、靓人靓声、 舞技冇得输、智慧嘅化身、正能量嘅代表...

究竟系边个呀? 大家估吓？
我哋会喺星期四开估！

隆重开估！呢位身兼几职、靓人靓声、 舞技冇得输、智慧嘅化身、正能量嘅代表就系
叱咤903人气DJ－ 阿正 Ahjeng ！

12月4日 15:30阿正将会空降 绿在元朗墟 Yuen Long Hui Recycling Store，同大家互动，体验回收嘅真谛
总之就一个字 －『正』啊！

咁正咁大件事，你哋唔系唔嚟呀嘛？
温馨提示入场条件系攞回收物嚟回收嘅环保人士！

感谢咁多热心街坊响应一日店长嘅活动！

回顾本鬼委派去「绿在区区」嘅一日店长阿正 Ahjeng ，真系非常之合格。细心不特止，又识得分类、干净回收，仲记得提醒大家开绿绿赏积分卡储积分换日用品等等，简直系持家有道。

最最最重要嘅系佢心目中嘅理想对象系爱环保又爱回收嘅本鬼 ，相当之识货。 咁称职嘅一日店长，真系想佢长驻喺度，一齐培养下感情。

快啲睇片，跟住阿正学嘢啦！你哋嚟回收嘅话，记住 tag 本鬼同埋阿正，再 #环保正正子 话俾我哋知喇！

个个Foodie都话自己识食，但有几多个真系好似本鬼咁「惜」食啊？叫到成枱都系嘢食，用嚟打卡呃Like，样样试一啖就算，咁系嘥嘢唔系share嘢呀！

识食之余，仲要「惜」食!等本鬼教吓你「食物断离舍」啦。

断：断绝对食物有过多嘅欲望，食得晒先好嗌！

离：离开餐枱前，要食晒啲嘢！

舍：舍弃垃圾前先分开厨余，收集到嘅厨余会喺O．PARK转废为能

简单三小步，本鬼做得到，你都做得到！

听到「渣男」、「渣女」就走夹唔唞？咪住～

绝对唔系你谂嗰样嘢，其实本鬼讲紧嘅「渣」系「食物残渣」咋～

正确嚟讲嗰啲叫做厨余——例如果皮、果核、鱼骨、汤渣等呢啲喺煮食过程同食用后产生嘅有机废弃置物。厨余喺O · PARK1经过厌氧分解就可以转化为生物气发电同埋堆肥，转废为能！

「食物残渣」今次真系劲过「渣渣辉」

想知多啲转废为能嘅过程，可以Click呢度睇睇啦～

有人话，餐枱上最容易睇得出一个人嘅真实性格，唔信？

一齐嚟同本鬼玩呢个心理测验啦！

「你喺茶餐厅见到个好吸引嘅常餐，想嗌又觉得自己一个食唔晒，你会点做呢？」

A. 照嗌！食唔晒先算
B. 多士走牛油、嘢饮唔落糖
C. 照嗌！但少面或走多士
D. 食唔晒就拎走

留言话畀本鬼知准唔准～

人生就好似饮咖啡咁，要识叹，仲要「惜」饮。作为一个咖啡迷，本鬼每朝都要叹返杯咖啡。嗯～咁至系人生～

正所谓用得唔好嘥，每饮完一杯咖啡，本鬼都会好好爱惜剩低嘅咖啡渣，拎嚟当做鞋柜嘅除湿除臭剂同驱蚊剂又得，当成植物嘅天然肥料亦得，真系好鬼万用㗎。

咪话我唔教精你，其实本鬼嘅body之所以咁光滑，都系用咗咖啡渣嚟做磨砂咋！今日教咗你哋咁多，系时候要自己发掘更多厨余渣滓嘅用途喇～

呢个天气最啱就系BBQ！「买嘢食唔驶计住计住啦！我哋咁多人，一定食得晒㗎！」

咪住先～本鬼就系要同你计到尽！买BBQ食材，又要量多又要款多，你自己话，有边次系食得晒？丰盛BBQ随时变「疯剩」BBQ啊！

BBQ嘅精髓系成班人围埋吹吓水增进感情，应承本鬼由今日起，了解朋友由胃容量开始！～认真谂吓大家嘅食量，确保食得晒先好买，咁咪显得你窝心又细心啰～

识打卡，梗系食晒先打卡！有咩比食晒啲嘢更加满足呢？

如果你都想同本鬼一样，同大家share你嘅清碟战绩，咁就要参加由本鬼发起嘅「 食物清碟大行动」喇～

游戏玩法好简单～
第一步：清碟后拎起只碟影张合照，然后放上Facebook或Instagram，叫埋班friend一齐影仲正！

第二步：加埋 #食物断离舍 或 #FoodMinimalism，再tag @big_waster_hk & @ecc1990 同 3 位朋友一齐参加挑战。

跟住以上玩法成功出post即可计算一次挑战次数，记得记得记得将帐号设定为公开，累积参加次数愈多，愈有机会赢奖赏！

奖品：
1. 每位参加者都有机会获得有机资源回收中心「O · PARK1」嘅有机肥料或鬼鬼8GB USB 乙份。（随机送出，数量有限，送完即止）

2. 喺挑战活动期间，参加次数最多嘅100位参加者，鬼鬼会为你度身订做大嘥鬼Style头像乙个，令你化身「食物断离舍KOL」！

升级玩法：
参加者只要成功挑战一次，再喺呢个post留言，分享一个 「食物断离舍」嘅小贴士，本鬼就会喺留言入面选出最有创意嘅30位参加者，参加「大嘥鬼旅行团」，同本鬼实地考察有机资源回收中心「O · PARK1」！～

本鬼正式向你哋宣战，睇吓边个可以动摇到我清碟界一哥嘅地位喇！

活动日期：2022年11月14日至12月11日

其他条款及细则可参阅： https://bit.ly/3fNaJyT

对你「嗌嗌嗌」不完～

见你喺度「嗌嗌嗌」不完，本鬼就真系「唉唉唉」不停。明明嘢食都未到，又未知食唔食得晒，就keep住「嗌嗌嗌」，你都唔想同本鬼个body一样「眼阔肚窄」㗎！

不如试吓食晒一转，觉得唔够先再嗌，咁就唔驶嘥嘢喇～记住「食得晒先好嗌」啊！

你以为本鬼只系惜食咁简单？其实本鬼仲有一个特质，就系爱「材」如命～

唔好咁紧张，本鬼系爱（食）材唔系爱（钱）财啊～出得厅堂嘅美食当然要好好珍惜，但系厨房用剩嘅菜头菜尾都要好好利用～除咗鱼头鱼骨可以拎嚟煲汤之外，剩饭剩菜都可以整成炒饭㗎。

你哋都要好好对待厨房嘅「材」物，每样食材都唔好浪费啊！

哗，只碟真系清到干干净净～大家清碟咁鬼叻，本鬼梗系要露个面，答谢大家嘅支持啦！

参加食物清碟大行动嘅时候，只要打开本鬼同悭BB嘅Filter，喺萤幕上用手指将我哋个样移动到空碟上面（细力啲啊！），再揿掣影相，你就可以影到一张印有本鬼同悭BB靓仔样嘅清碟合照喇。

只碟越干净，本鬼嘅肤色就越白净。想望清啲本鬼嘅真面目，就要靠你哋食晒啲嘢喇～

大嘥鬼同悭BB嘅Filter传送门～
FB: http://bit.ly/3UUc06E
IG: http://bit.ly/3XfEaKE

轻轻的你走了，正如你轻轻的叫(叫咗超多碟餸又唔预份量)；你轻轻的招手，作别一枱的食物～

呢首诗，系本鬼为你而作嘅......因为本鬼留意咗你好耐，你忧郁嘅眼神，神乎奇技嘅嗌餸方式，同埋叫到成枱都系嘅餸菜......原来你每次食剩咁多嘢都会轻轻地一走了之！

温馨提示，出街食饭要谂一谂嗌餸份量，识食之余都要「惜」嗌！食得晒就可以参加由本鬼发起嘅「食物清碟大行动」喇～仲可以用埋专属filter影低你「清碟」嘅证明㖭！

「食物清碟大行动」详情： http://bit.ly/3UOrgkO

大嘥鬼同悭BB嘅 filter传送门：
FB: http://bit.ly/3UUc06E
IG: http://bit.ly/3XfEaKE

拍拖最怕另一半花心，本鬼就最怕你哋衰贪心！

见到个餐牌咁吸引，呢样想试，嗰样又想试，叫到一枱都系，就最啱打卡喇。吓？！ 打完卡啲野食就揼喇？你哋仲够胆话自己唔系「渣」男「渣」女？！ 等本鬼念返句静心经净化你哋：「食到几多，就嗌几多，冇人可以控制我！食到几多，就嗌几多，冇人可以控制我！食到几多，就嗌几多，冇人可以控制我……」

食饭之前，记得学本鬼念吓静心经，保持理智唔嘥嘢，断绝对食物有过多嘅欲望喇～

鬼马又得意嘅sticker，你唔系唔用啊嘛～

呢辑万用WhatsApp贴图包，模拟真实食饭场景，再配合本鬼同悭BB奥斯卡级嘅精湛演技，完美呈现各位「惜食之人」食饭嗰阵嘅内心小剧场。

想提醒身边嘅朋友要「惜」食唔驶靠把口，试下用sticker尽诉心中情喇！（动态同静态都有㗎～）叫埋朋友一齐参加食物清碟大行动，齐齐响应惜食咪嘥嘢喇～

食物断离舍 - 静态Stickers：http://bit.ly/3VkKRtI
食物断离舍 - 动态Stickers：http://bit.ly/3gKiXYT

我实在唔舍得畀食物清碟大行动咁快完，决定延长至12月18日，而且玩法更简单!

1) 清碟后同佢影张靓相
2) 放上以下呢个post嘅留言区
传送门: https://bit.ly/3UOrgkO
3) Hashtag #食物断离舍 或 #FoodMinimalism
4) 标注 @bigwaster.hk , @ecc1990 同 ＠3位朋友

挑战次数愈多，愈有机会赢奖赏！如果大家够创意够踊跃～ 本鬼嚟紧会加码送出神秘大奖！

仲有仲有仲有～你哋再喺上面条link留言分享「食物断离舍」小贴士，最有创意嘅30位参加者，除咗可以同本鬼一齐去「Ｏ·PARK1」之外，本鬼仲会送多只鬼鬼头吊饰畀你～

叮！叮！叮！不断收到大家tag我嘅通知，撩起咗本鬼心中嘅一团火，本鬼感觉到喺呢个moment我要爆喇！

为咗答谢大家对本鬼嘅厚爱，以及对清碟嘅热诚，我冇办法唔爆出～大～绝！ 系绝版个绝呀！就系我嘅绝版手办模型一只！

系咪好想要呢？ 即刻参加食物清碟大行动，花啲心思，上传最「搅鬼」嘅清碟相片到自己FB/IG或者以下条link嘅留言区喇！只要本鬼觉得你最有趣，又影到你清晒碟上嘅食物，就会将呢只珍贵嘅手办模型送畀你，全银河系得一只，好珍贵㗎！

快啲爆发你无穷无尽嘅小宇宙，参加食物清碟大行动，只要你嘅清碟相得到本鬼嘅欢心，就可以带我个样嘅绝版手办模型返屋企㗎喇！

提提你～你哋再留言分享「食物断离舍」小贴士，最有创意嘅30位参加者，除咗可以同本鬼一齐去「Ｏ·PARK1」之外，本鬼仲会送多只鬼鬼头吊饰畀你～

留言区传送门：https://bit.ly/3UOrgkO

讲起就火都嚟！最近本鬼听朋友吖Pudding讲，佢遇到个渣男，最初话会珍惜佢，点知转个头就一手揼咗佢落垃圾桶！Literally系垃圾桶呀！

讲真，你食唔晒就唔好嗌喇，嗌咗成个布丁返嚟，一啖都冇食过就话唔要，唔系渣男系咩呀！嗱，本鬼知道「乱咁嗌食唔晒」呢个行为系唔受性别限制，总之唔理「渣男」定「渣女」，一概都唔要得！

记住喇唔该，食得晒，先好嗌，唔想畀人话系「渣男渣女」，就梗系要清碟畀人睇喇！一齐参加食物清碟大行动，将清咗嘅碟upload上FB / IG喇，记得加埋hashtag呀！

食物清碟大行动详情： https://bit.ly/3UOrgkO

好喇，本鬼要出手喇，清碟咋吓嘛，简直100% 轻轻松松开开心心冇难度！你估本鬼仲系当年眼阔肚窄嘅大嘥鬼呀？！食完餐饭只碟清到立立令呀，惜食KOL呢个名衔，本鬼绝对系当之无愧！

当然，本鬼都唔惯独食出风头，所以我就要挑战，吖唔系，系畀机会你、你、仲有你同我一齐做惜食KOL！我而家就tag我老友留心蛋 Mr. Safegg、屋宇署 Buildings Department嘅阿标同阿丁、Geo Channel 土力场、清洁龙阿德 Keep Clean Ambassador Ah Tak同埋下水水 Drainy，一齐玩呢个食物清碟大行动，玩法超简单～奖品劲丰富：https://bit.ly/3Hsb7y0

提提你～你哋再留言分享「食物断离舍」小贴士，最有创意嘅30位参加者，除咗可以同本鬼一齐去「Ｏ·PARK1」之外，本鬼仲会送多只鬼鬼头吊饰畀你～

各位朋友，等你哋出手喇！

不知不觉间，食物清碟大行动已经嚟到最后几日，本鬼真系好唔舍得……

你哋嘅努力本鬼都睇得一清二楚，就好似你哋只碟咁清到一干二净～

想得到全银河系唯一一只嘅本鬼绝版手办模型，就要把握最后冲刺机会，上传最「搅鬼」嘅清碟相到自己FB/IG或者以下条link嘅留言区。只要本鬼觉得你最有趣，又影到你清晒碟上嘅食物，就可以带本鬼绝版手办模型返屋企㗎喇！！

仲有仲有仲有～你哋再喺下面条link留言分享「食物断离舍」小贴士，最有创意嘅30位参加者，除咗可以同本鬼一齐去「Ｏ·PARK1」之外，本鬼仲会送多只鬼鬼头吊饰畀你！

留言区传送门：https://bit.ly/3UOrgkO

就算今次食物清碟大行动活动完咗，大家都要记住食得晒先好嗌，做个「惜食KOL」呀！

唔好睇身边啲女仔朋友斯斯文文，其实掉嘢嗰阵可以毫不留情！

碟饭食咗少少就已经「移情别恋」投向甜品嘅怀抱，呢个渣女。好心你冇咁大个胃，就唔好咁贪心喇！未食晒又继续嗌，然后就咁「无情」抛弃咗最初碟饭，你有冇谂过佢嘅感受啊！？

本鬼提醒你，食得晒先好嗌，做返个负责任嘅人，唔好做「渣男渣女」啊！！

哗！一入厨房就闻到一阵清新嘅香气～本鬼崇尚天然，又点会喷空气清新剂呢？其实系用咗果皮整嘅家居清洁剂咋！

果皮除咗可以拎去做肥料，仲可以变身成有机清洁好帮手。你钟意用橙皮又得，柠檬皮又得，再加糖加水，将所有材料放入个樽度，搅拌摇匀，发酵3个月后就可以用㗎喇！

呢啲环保酵素 可以代替化学清洁剂，用嚟洗碗同清洁厨房就啱晒喇！

下次食完生果，记得要留返啲果皮啊～

本鬼好荣幸可以同大家宣布，今次嘅食物清碟大行动已经完满结束喇！多谢「惜食」嘅你参加！

呢班得奖者好犀利，累积清碟嘅打卡数量，令本鬼呢个资深「惜食 KOL」感到老怀安慰，忍唔住要大大力嘉许你哋！

详细得奖者名单：https://bit.ly/3FHFNsB

各位得奖者记住喺2023年1月2日前私讯(inbox message)我哋，安排领奖～

今次嘅食物清碟大行动战况激烈，无论你有冇得奖，应承本鬼从今以后都要keep住团火，继续清碟，惜食咪嘥嘢！本鬼嘅「惜食」之路仲未完㗎，记住密切留意本鬼有关「食物断离舍」嘅最新动向啦～

有啲坏习惯你估话分手就分手咩？同坏习惯分手除咗要狠，仲要有技巧～

鬼鬼大师教你两招~

技巧1
嗌嘢食切忌冲动！出街食饭起势咁嗌，食唔晒就当然浪费啦；食得太饱又会影响健康！不如试吓食晒，唔饱先再嗌，食到七成饱就Perfect。

技巧2
记得慢慢~慢慢~食~畀啲时间身体慢慢消化，锡住自己个胃先可以食到更多好西架嘛～

学识以上技巧，日夜Practise，你就可以轻松同嘥鬼坏习惯分手，同本鬼一样重获新生喇～

厨余唔系废物，而系可以回收嘅有用资源，究竟点样可以善用呢股厨余之力呢 ？等本鬼话你知喇！

「O · PARK1」 作为香港首个大型有机资源回收中心，每日可以处理200公吨厨余，帮手减轻堆填区嘅负担。「O · PARK1」仲会将厨余转废为能，每年输出大约1,400万度剩余电力 ，即系相等于大约3,000个家庭嘅用电量，分解后嘅残余物仲会转化为堆肥～用嚟种花为环境扮吓靓，或者种吓菜种吓其他农作物都得㗎，呢啲咁有意义嘅堆肥除咗交畀政府部门同园艺公司用嚟美化园景，仲可以送畀参观「O · PARK1」嘅访客𠻹～

虽然我哋有厨余之力转废为能，但系我哋依然要惜食咪嘥嘢，由源头减少厨余，实行食物断离舍㗎～

为咗另一半，赴汤蹈火，在所不辞！「包底」？湿湿碎喇～食多啲先可以成为稳「重」嘅伴侣（苦笑）保护BB猪嘛～（内心读白：喂呀，恃住有人「包底」就乱咁嗌，食到呕都食唔晒。）

计本鬼话～不如食几多嗌几多，咁咪唔嘥嘢又唔怕伤胃伤感情啰 ～

世上只有妈妈好～每次返屋企食饭，鬼妈都会煮一枱本鬼最钟意食嘅餸，感动嘅同时，都觉得好惊......好惊煮咁多我哋食唔晒啊！

不过，食唔晒都唔会嘥嘢嘅！因为我哋会pack起佢，好好存放，第二日再食，咁咪唔会浪费食物同妈妈嘅心机啰～下次煮饭前记得提妈妈，食几多就煮几多，煮多咗食唔晒就嘥晒㗎喇！

同小朋友出街食饭，嗌嘢食嗰阵都几头痛……究竟嗌咩食同嗌几多好呢？有时嗌多咗，连爸爸妈妈帮手食都食唔晒，唉～咁点算好？

不如试吓同小朋友温馨share一个餐，一齐食晒先再嗌。用行动话畀佢哋知要「食几多，就嗌几多」，从小培养「惜」食习惯 ～咁就人人都惜食唔嘥嘢喇～

你以为嗌套餐加大就等于幸福加大？实际系将你浪费食物嘅可能性加大咋！

平时你食一个餐都够饱，点解要贪心嗌加大呢？加咗钱但最后食唔晒，简直系嘥嘢食又嘥钱呀！记住，食几多就嗌几多，冇咁大个胃就唔好嗌加大喇！

肚饿嘅时候，好多人都会「断线」，将本鬼讲过嘅嘢忘记得一干二净。不过～我知你哋都唔系有心嘅，只要身边有人提提你，其实你都可以「惜」食唔嘥嘢㗎～

好似香港大学嘅canteen咁，职员都会喺点餐时主动问吓同学仔使唔使「少饭」，咁细食啲嘅同学仔叫咗少饭，就冇咁容易浪费食物喇～

特价㖞，而家唔买等几时？

都系嘅……不过扫货嗰阵有冇留意几时过期先？过期前都食唔晒，随时由悭钱变嘥钱啊！

下次见到超市大特价唔好咁兴奋住，入货都要睇清楚食用期限啊！买多咗嘅话可以同其他亲戚朋友share，咁咪唔怕嘥嘢啰～

一班人食饭梗系要食晒啲嘢先至够尽兴，但你哋个个食两啖就停晒手，准备散场时仲剩到成枱都系，认真扫兴！既然有时间，不如坐多一阵，食埋先走喇！一边倾计一边食，畀啲时间自己消化，咁咪唔使嘥嘢，又可以慢慢叙旧啰～

记住，离开餐枱前，尽量清干净枱面嘅嘢食！真系食唔晒嘅话，都可以打包返屋企加餸～

惜食咪嘥嘢，咁就大家都可以尽兴而归喇～

悭BB居然约本鬼食lunch？呢个千载难逢嘅机会，本鬼梗系要......严正拒绝喇！

实不相瞒，本鬼的确系好想同悭BB撑枱脚，可惜鬼妈已经准备咗爱心饭盒畀我！既然本鬼带咗饭，就要对个饭盒负责，唔可以畀佢白白浪费！

等我即刻同悭BB约定日子食饭先！咁就唔会同鬼妈嘅爱心饭盒撞到正喇～

350、351、352......本鬼每晚都要食800粒米先够饱，死喇！而家数到几多？！
（悭BB os：几时先开饭啊......）

正所谓「粒粒皆辛苦」，每嘥一粒米饭，都会破坏地球嘅环境！唔想制造厨余，本鬼咪唯有数清楚啲米啰！

嗱～听本鬼讲，由今日开始，一定要食得晒先好嗌，食唔晒就嗌少饭，咁咪唔驶辛苦数米，又可以做个「有衣食」嘅鬼粉啰～

呢个世界，好多人都净系睇样唔睇内涵！

有时返到屋企发现买返嚟嘅水果压扁咗，就当系厨余咁丢咗佢？佢哋个样唔靓啫！唔代表佢哋已经唔食得㗎！

水果充满内涵，就算外表唔见得人，都仲好有用㗎～本鬼同大家开心share「水果易容术」将佢哋「改头换面」，整成果酱攞嚟搽面包，咁就唔洗丢咗佢，又可以食多几餐喇～

做法好简单：
1. 将果肉切粒然后捣碎。
2. 用细火慢煮果肉，加入少许柠檬汁搅拌。
3. 煮滚之后加入砂糖，再慢煮5-20分钟。
4. 当果酱煮成你满意嘅浓稠度，就完成喇！

食完饭，清晒碟，鬼妈竟然将啲厨余同其他垃圾一次过扫晒落垃圾桶？

睇真啲！咖啡渣、果皮同蛋壳都唔系一般嘅垃圾嚟㗎！只要动吓小脑筋，就可以将佢哋升级再造变成天然嘅清洁剂，又或者用嚟做植物嘅肥料，仲有更多创意用途等你发掘～等本鬼都分享几个善用厨余小贴士比大家喇：

1. 咖啡渣可以除味、清洁去污同防虫
2. 果皮可以制造成环保酵素代替化学清洁剂
3. 鸡蛋壳可以捣碎作为肥料

只要佢哋仲有价值，本鬼都唔会轻易放过！以后饭前饭后，一齐做多步，睇吓有冇厨余可以好好利用喇！